A décimo quinta edición do Festival de Maxia de Pontedeume inaugurouse o domingo  con obradoiros nos xardíns da Casa da Cultura, onde continuarán ofrecéndose este martes, mércores e xoves, ás 11.00. O ilusionismo tamén chegará ás parroquias do concello, todos os días do evento ás 19.30, e neste mesmo horario haberá espectáculos simultáneos na Alameda.

Este escenario non só se encherá polas tardes, senón que tamén acollerá outros nocturnos, ás 22.00. As actuacións diarias desenvolveranse até o xoves e, en caso de choiva, trasladaranse á Casa da Cultura.

Por outro lado, o Festival de Maxia de Pontedeume, que conta co apoio do Concello, ten organizadas propostas para todas as xornadas, ás 12.30 horas, que se reparten por distintos puntos da localidade. Despois de estrear estes encontros onte, este mesmo martes continúan na Rosalía de Castro, o mércores no mercado municipal e o xoves na Praza da Calzada.