O Centro de Interpretación de Caldoval, en Mugardos, acolle este mesmo sábado a súa proposta polas Letras Galegas, que se dedican á poesía popular oral e ás cantareiras. Con este motivo, desenvolverase un obradoiro de cadernos de escritura da antiga Roma, en dúas quendas: ás 11.30 e ás 17.30.

A oferta cultural, que é de balde, segue mañá domingo nos mesmos horarios coa celebración do Día Internacional dos Museos, que se centrará en coñecer mellor a “palestra romana”, o patio onde os cidadáns se exercitaban antes de entrar aos baños que agora alberga o centro. O público familiar pode apuntarse polas redes, enviando un correo a info@museocaldoval.gal ou no 687 072 116.