Fallos

|

Axiña víronse fallos no xeito de actuar dos compoñentes de Podemos. Fallos reais ou inventados por certos medios de comunicación, aos que lles vai moi ben o actual sistema político do país. O finanzamento do partido e as circunstancias económicas dos principais persoeiros, serviron para urdir unha trama de mentiras e medias verdades, que deixaron un pouco tocado o prestixio dos que ían ser os novos “salvadores da Patria”. Mais eu coido que, para a maioría da xente do común, o fallo que non será doado de perdoar é, a falta de apoio á investidura do líder do PSOE. Non se pode asegurar que co sr. Sánchez as cousas foran mellor que co sr. Rajoy, pero o que está máis aló da dúbida é que, había moitísima xente que desexaba ao PP fora do Goberno. A miopía política do sr. Iglesias non lle deixou ver esa notoria realidade. E agora, para acabala de rematar, ameaza a desunión. Ou moito me engano, ou a oportunidade para Podemos xa pasou, pois “a ocasión píntana calva “.  Non é?
 

Fallos