Sónche trece, sr. alcalde

Polo que puiden entender estes últimos días ao ler a prensa, semella que aquela “cousiña” de facer patria e mirar máis por Ferrol que polo interese partidista político, non está a funcionar. Senón, que alguen me diga como se come isto de que o sr. alcalde, que teimaba por poñer a nova residencia de maiores no Bertón quedra branco cando vía que, aínda que a Xunta expresara que a opción lle parecía válida, o grupo municipal do Partido Popular seguía a apostar polo emprazamento no Boial. Ou que, tendo en conta que o alcalde xa descartara o aparcadoiro “disuasorio” –pregúntome se o disuasir ten algunha retranca– de Canido, mira ti por onde van os pequenos de Ferrol en Común e atopan o apoio do PP para continuar co proxecto. Vai a cidade, como xa estamos acostumados, dando botes e máis recibindo fendechas en cada un dos adoquíns mal postos que hai e, mentras tanto, hai quen pensa que sumar non conta nesta película.