O Auditorio Municipal de Cedeira acollerá ás oito da tarde a representación da peza teatral “100 metros cadrados”, a cargo da compañía Imaxina-T, da Asociación Cultural Celeuma de Narón. O prezo da entrada é 2,5 euros. A obra, escrita por Carlos Rubio, está dirixida por Luis Ramos e interpretada por Isabel Álvarez, Xabier Anidos e Belén González. O título fai referencia ao espazo xusto para que os protagonistas se coñezan.