Obradoiros, películas, gastronomía e teatro nas Xornadas Culturais da EOI

Con dous intensos días de actividades –onte e hoxe– celebra un ano máis a Escola Oficial de Idiomas de Ferrol as súas Xornadas Culturais. Exposicións, obradoiros, películas, gastronomía ou certames dan forma a un programa que conta coa implicación dos diferentes departamentos. Os participantes puideron escoller na xornada de onte entre diferentes alternativas, como un almorzo francés; un taller de iniciación á capoeira; sesións de teatro; ou mesmo unha típica barbacoa americana. Propostas ás que hoxe sucederán, de novo durante todo o día, novas opcións que inclúen cine, unha degustación multicultural ou o xa tradicional certame “EOIvisión”, entre outras.