Unha banda con guitarra, baixo, batería, clarinete e gaita, xunto coas voces de Pablo Díaz e Olga Kirk subiu onte ó escenario do Jofre para presentar “Toc Toc”, un novo disco cunha quincena de cancións dedicadas ós máis pequenos. O teatro ferrolán encheuse nunha actividade organizada pola Rede de Normalización Lingüística co obxectivo de asociar o lecer ó idioma galego.