Miércoles 12.12.2018

Truco e trato

No pasado pleno municipal FeC adoptou unha decisión moi beneficiosa para as concesionarias dos servizos

No pasado pleno municipal FeC adoptou unha decisión moi beneficiosa para as concesionarias dos servizos esenciais do concello e obviamente non podería telo feito sen a estimable colaboración do PP e o PSOE. Desde o xoves, as até agora coñecidas como taxas de abastecemento, recollida de lixo e saneamento deixaron de ser taxas e convertéronse en tarifas. 
Isto que semella un simple cambio de nome, esconde unha fonda carga política. 
E é que as taxas son tributos e están suxeitas á lei de facendas locais, o que implica que o seu importe non pode exceder do custe real do servizo. Nas tarifas ese principio desaparece e as empresas poderán cobrarnos de máis por servizos esenciais e ademais será legal.
O trato ao que PP, PSOE e FeC chegaron é un obsceno truco para permitir que en Ferrol o raposo siga a coidar das galiñas e no canto de retirarlle o cobro das taxas ás concesionarias se lles dá total liberdade para facer negocio non só cos nosos cartos senón tamén coas nosas vidas.

Truco e trato
Comentarios