lll

Recibe cada mañana las últimas noticias. REGISTRARME

Recibe las noticias desde Telegram. ÚNETE

Las carga el diablo

Non me gusta este casoiro en plena lúa de mel do presidente Sanchez co americano Joe Biden. Non estou de acordo con que o cumio da OTAN se estea a celebrar en Madrid nin tampouco coas decisións que alí se están a tomar. Moito menos con ese liderado, Biden dixit, do noso país na guerra de Ucrania. Todo elo, que atufa dende lonxe, pode traer represalias para o noso país.
 

Leo no xornal o artigo de Fernando Ónega que non ten lixo. Penso que no Goberno e na mesma OTAN deberían lerse e analizarse polo miúdo ás súas verbas antes de chegar  a conclusións que logo serían irreversibles. 
 

O portavoz da Presidencia Rusa Dmitri Peskov afirma que a OTAN é un bloque agresivo que busca a confrontación. Así o certifica ese aumento de ata 300.000 efectivos de alta dispoñibilidade da chamada AlianzaAtlántica e a imposición a os seus países de incrementar ata un 2% do PIB os gastos en defensa. Todo elo dirixido a unha guerra sen precedentes. O secretario xeral da OTAN prometeu onte ao presidente de Ucrania Volodimir Zelensky que na cume que se está a celebrar en Madrid,” se intensificará el apoyo a nuestro socio Ucrania, ahora y a largo plazo “. Para botarse a tremer.
 

Dende o ano 1936, no que o cuñadisimo Serrano Suñer, un nazi-falanxista  lanzou o berro Rusia es culpable, provocando unha guerra que durou tres anos con tres millóns de mortos e o país arrasado durante moitos máis, a URSS, dun ou doutro xeito, sempre é culpable.
 

Non quero pecar de catastrofismo pero a  guerra da que se fala hoxe con pasividade e con resignación como algo inevitable, terá consecuencias terribles, millóns de mortes, fame e enfermidade con centos de cidades e países arrasados no mundo enteiro.
 

Non me resisto a transcribir aquí, pola súa importancia, as verbas de Fernando Ónega na Voz de Galicia: 
“Hay una miopía de Europa que no acierta a ver como los EEUU la están convirtiendo en el campo de batalla de una guerra que se está preparando y que tendrá que ser necesariamente nuclear.”
 

É por todo isto polo que insisto de novo en que tódolos países, OTAN incluída, miren na mesma dirección que é a da Paz, non hai outra mellor, e que non esquezan que as armas as carga o demo; ... e tamén as fai estoupar.

Las carga el diablo

Te puede interesar