O prestixioso guitarrista murciano Al Dual pechou este mesmo domingo, cunha gran afluencia de público, o festival Marola!, que comezou o sábado co concerto de The Limboos (rhythm and blues) nos xardíns de Herrera, onde o selo local Embora Producións organiza a cita por segundo ano consecutivo.

Este encontro consolídase xa neste 2025 como un dos escenarios referentes para celebrar dúas sesións vermú durante o verán, no marco dun espazo con gran interese patromonial e impresionantes vistas á ría e ao Arsenal. De feito, ademais dos proxectos musicais que son protagonistas, este constitúe un dos ingredientes principais da proposta.