Un Entroido en alza ateiga Ferrol nun multitudinario desfile de comparsas

Un Entroido en alza ateiga Ferrol nun multitudinario  desfile de comparsas
Salida del desfile de comparsas de Ferrol

Tarde de Entroido por todo o alto a deste luns en Ferrol. Esta festa reivindícase cada ano un pouco máis como outro dos momentos álxidos do calendario da cidade. As condicións meteorolóxicas axudaron e as ganas de pasalo ben do público e, sobre todo, das comparsas, fixo o resto para lograr outro desfile espectacular. Ao tempo, polos arredores os rapaces mantiñan outra tradición: a das batallas de buzos (algún previsor incluso con chuvasqueiro), que deixaron o chan con restos de fariña e de ovos.

As comparsas –e algún disfraz individual, por parellas e en grupos pequenos– saíron da praza de España con puntualidade, ás seis da tarde. Alí se xuntaban xa varias ducias de persoas facendo un corredor para facilitarlles o paso. Moita música en directo, outra que sonaba pola megafonía que levaban acoplada, construcións de todo tipo, coreografías, vestidos homoxéneos e moi traballados e, en xeral, unha posta en escena que incluía microteatro, marcaron o traxecto. As agrupacións ían xuntándose e espaciándose como acostuma a suceder nestas marchas, mentres a xente se ía amoreando nas beiras da rúa Real. A chegada a Amboage, con volta ao redor para entrar desde Dolores, prolongouse durante varios minutos e, mentres os participantes ían tomando posicións, aumentaba exponencialmente a cola para recoller os freixós gratuítos que preparaban na xigante freixoeira de Lestedo.

En torno ás sete e media comezaba o festival en Amboage, baixo carpa e presentado pola xornalista Natalia Anguita. A habilidade demostrada durante o desfile púxose a proba á hora de afinar voces e o xurado tomou nota da creatividade e da calidade musical, entre outros aspectos, para tomar a súa decisión. Foi momento tamén de facer crítica da situación social e de combinar risas e protestas.

O reparto de premios para as comparsas deuse a coñecer preto das dez da noite. Trátase dun trofeo simbólico, posto que os galardóns en metálico repártense entre 630, 620 e 610 euros para o primeiro, segundo e terceiro clasificados, respectivamente, pero as demais tiñan un accésit de 600 euros. Os gañadores foron Paso a Paso, primeiro, seguido de Cingaranza e Os Colludos, en segundo e terceiro lugar.

A próxima cita do será esta tarde, coa festa infanil, coa vista posta xa no enterro da Sardiña en Ultramar. Será o venres, con actividades desde pola tarde e coa queima do boneco prevista para medianoite.

Un Entroido en alza ateiga Ferrol nun multitudinario desfile de comparsas

Te puede interesar