DEDICACIÓNS

Avanza o novo deseño do goberno de Ferrol. A nivel práctico, soamente, o novo alcalde e seis asesores veñen a reducir os seus salarios do erario público. Haberá que sumar os 560 euros de asistencia por cada pleno para todos os seus membros, os 104 semanais para quen asista á xunta de goberno e os 38 por asistencia a cada sesión das comisións. Á marxe dos 140 euros para os voceiros municipais.
No pleno do día 2 de xullo veremos exactamente o reparto. Pero, hai sete dedicacións exclusivas para un grupo de goberno que ten o mesmo número de concelleiros que o principal partido da oposición, que queda con tres e os nacionalistas cunha soa. Así, o grupo socialista de Sestayo con cinco concelleiras/os terá tres dedicacións exclusivas fronte ao anterior de Laso, que con dous concelleiros máis tiña só dúas. É ben coñecida a polémica dentro do PSdeG no mandato anterior.