Pagar impostos e defender os dereitos sociais son dúas máximas con forte raigame na cidadanía das sociedades avanzadas do centro e norte de Europa. Ese binomio económico-social e a pedra angular que sustenta o seu pioneiro, perdurable e solidario sistema de benestar.
A tenor do informe anual sobre recadación tributaria relativo a 2014, en España aínda non asumimos unánime e responsablemente eses dous preceptos. O primeiro porque a renda media declarada polos empresarios (7.845 euros) contrasta fortemente coa dos asalariados (24.557 euros) asumindo así estes últimos a maior carga deste tributo. A diferenza case multiplicada por catro é loxicamente irreal, as deduccións, desgravacións e maiormente a ocultación de rendas liberan ó empresariado da carga fiscal que lles correspondería.O segundo derivado do anterior, pervirte o acceso ós recursos a quen realmente os necesita en favor de quen defrauda.