Os partidos políticos que se senten ameazados pola entrada na escena política da nova agrupación Podemos, acúsana de populismo como se iso fose un delito ou unha actuación ilegal. Segundo o noso dicionario, populismo pode significar “Corrente ideolóxica, literaria, política, etc., que procura os intereses do pobo ou a fai demagoxicamente”. Segundo esta definición, o populismo de Podemos podería cualificarse de calquera destes dous xeitos, mais a interpretación que se fai  por parte dos “presuntos” prexudicados é a da utilización da demagoxia. Contra esta acusación poderíase reclamar a “presunción de inocencia” e agardar a que os feitos demostren que non se procura realmente a defensa dos intereses do pobo. Tamén se pode aplicar a máxima aquela de que “sempre pensa o ladrón que todos son da súa condición”. De calquera xeito, os ataques furibundos que está a sufrir o novo partido por parte dos acusadores amosan o medo a perder a súa hexemonía. Ou non é?