A mítica banda de rock cordobesa Medina Azahara será esta noite o prato forte do festival que a partir das 21.00 horas terá lugar na Praza de Galicia, con entrada totalmente gratuíta. A actuación da banda, que vén de sacar á luz o seu novo disco “Paraíso Prohibido”, irá precedida das bandas tributo Mártires del Rock (Los Suaves), La oveja negra (Barricada) e os naroneses Black Jack (Beatles e outros). O aforo está limitado a 3.500 persoas.

papá noel
A programación de Nadal de Narón continuará mañá coa visita de Papá Noel, que partirá ás catro da tarde desde Xuvia, para se desprazar, acompañado por membros do Moto club Fojeteiros, pola Estrada de Castela –pechada ao tráfico rodado entre esa hora e as cinco desde a estación de Feve do barrio ao cruce da Faísca– ata a Praza de Galicia. Alí os rapaces poderán facerlle entrega das súas peticións e gozar cos hinchables e a música.