Esta tarde de venres na Casa da Cultura de Neda, a partir das 20.00 horas, a multiinstrumentista local María López presentará o espectáculo “Lucía da Conceiçâo Fernándes, a cega de Covelo”. A proposta realiza un percorrido pola vida e obra desta rapsoda portuguesa, aínda que afincada en Viana do Bolo, que co seu home recitaba cantigas de cego a ambos os lados da Raia.

A virtuosa da zanfona que subirá ao escenario, graduada en gaita e piano, foi a primeira gaiteira galega en obter o trofeo MacCrimmon do Festival Intercéltico de Lorient, amais de ter colaborado con algúns dos artistas de Galicia máis valorados como Carlos Núñez ou Susana Seivane. O seu primeiro disco, “Daydreaming”, saíu este ano.