viernes 05.06.2020

A homenaxe a Carvalo Calero, marcada tamén polo Covid-19

A actual crise sanitaria obrigou a mudar os plans previstos no programa das Letras Galegas dedicadas este ano o ilustre profesor e autor ferrolán. O pleno da RAG será o 31 de outubro no Jofre
RAG iniciou os actos de homenaxe en febreiro no CEIP Cruceiro de Canido
RAG iniciou os actos de homenaxe en febreiro no CEIP Cruceiro de Canido

Logo de varios intentos, por fin neste 2020 a Real Academia Galega acordaba dedicar o Día das Letras Galegas ao ilustre ferrolán Ricardo Carvalho Calero. A reivindicada homenaxe encheu de satisfacción a unha urbe desexosa de situar ao profesor e escritor no lugar que se merece pola súa importante achega á lingua e cultura galegas.

Porén, a actual crise sanitaria provocada pola pandemia do coronovirus obrigou tamén a modificar algúns dos plans previstos para recoñecer a súa figura e obra. En Ferrol, a declaración do estado de alarma polo Goberno central motivou o peche da mostra municipal que sobre o autor permanecía instalada no centro cultural Torrente Ballester.

Agora, pode ser visitada de forma virtual para que “os veciños que non acudiron a vela poidan atoparse ao autor desde as súas casas”, comentou o concelleiro de Educación, Antonio Golpe. Poderán facelo a través do proxecto “Actividades na casa” que o goberno ferrolán habilitou na web municipal (ferrol.gal), no que se recollen propostas diarias para desenvolver no fogar coa intención de acompañar aos ferroláns durante o tempo que dure o confinamento.

Obradoiros

Dentro desta iniciativa, na que están implicadas varias concellerías, a de Educación publica diariamente entre unha e dúas sesións de distintos obradoiros destinados a escolares de 3 a 12 anos.O luns é a quenda para o teatro e contacontos e informática e robótica; o martes, pilates; o mércores, manualidades; o xoves baile moderno e cociña creativa e os venres vídeos de lingua de signos e outro de baile tradicional e percusión. Todos están dispoñibles a partir das 16.00 horas na sección Educación.

Nesta mesma área abriuse otro apartado no que se publicarán vídeos de exposicións municipais, como a xa sinalada sobre Carvalho Calero, que leva por título “Imaxe de 100 anos”, que xa está dispoñible.

Adaptada así a exposición a esta situación de excepcionalidade, a cidadanía pode percorrer, a través de imaxes e paneis informativos “a vida e obra do noso escritor e coñecer máis de trinta primeiras edicións e moitos dos seus obxectos persoais e académicos”, explicou Golpe. A esta mostra sumaranse nos vindeiros días outras de titularidade municipal. l

Comentarios