O dia mundial do medio ambiente ven precedido, máis unha vez, por campañas informativas arredor do cambio climático. Os síntomas de que xa está acontecendo son evidentes e a preocupación social vai en aumento. No Acordo de París a comunidade internacional marcou como obxectivo reducir as emisións de gases para limitar a subida da temperatura aos 2º C.
Porén, a retirada deste acordo dos EEUU, anunciada por Trump,e o incumprimento por outros países provocará que no 2100 se acaden 3,2º C. As consecuencias recóllense no informe presentado pola ONU o pasado marzo na IV asemblea do PNUMA en Nairobi: desxeo do Polo Norte, aumento das mortes pola contaminación do ar, desertización de amplas extensións do planeta...
E a este proceso ponlle data: 2050. Xa que logo, vostede, probablemente, sufrirá as consecuencias dun modo de vida que ameaza con destruír o planeta.
E o pardal fica pendurado dun interrogante.