Insuflar de folgos a vellez que nos asfixia ( máis de 200.000 galegos abandonaron Galiza). Encher as rúas e prazas de rechouchíos infantís (en tres de cada catro fogares galegos hai alguén emigrado). Mudar o rumo da nao (perdemos cada día 70 habitantes en idade laboral). Realizar os proxectos da xeración dos vosos bisavós ( que ficaron en Cuba, Arxentina...) , dos vosos avós ( que gastaron a súa vida en Euskadi, Catalunya, Francia, Suíza, Alemaña ...) .  E conquistar o futuro que a miña xeración non foi quen de lograr.
Voltar á Terra... parasocializarmos as respostas que explican por quéo noso país non foi quen de acubillar no seu seo aos seus fillos.
Para evitarmos os erros que fixeron que a agardada primavera da Suevia se afogue nestaeterna outoniza.  E  podérmonos abrazar ... sen que a distancia erga un muro que vos faga estranxeiros  na vosa patria.
A cerdeira e a guindeira presumen de primavera.