Esmorece agosto e con el o vrau. Semana de festas de verán nun Ferrol que non está para moitas festas. Xa teñen mérito os ferroláns con saír a rúa coa que está caendo aí fóra.
Que nos depara o novo curso que empeza agora? Vanse resolver os problemas que temos plantexados hai tantos anos?: Emprego, estaleiros, obras na rúa, o ensino, a Armada, o comercio, a diminución de poboación, a lacra da emigración de novo, os fillos e os netos que non teñen traballo, o goberno que non goberna, a corrupción que non cesa, os cargos políticos adxudicados a dedo a guaperas, indocumentados, falapoucos, trepas e mangantes varios.Que está a pasar en Navantia, antes Bazán? Que intencións teñen eses directivos que gobernan dende Madrid, con mando a distancia? Mesmo semella que non teñen outra idea que pechar os estaleiros. Despois de case 300 anos nos que millóns de homes e mulleres deron o mellor de si mesmos para chegar a esas construcións que marabillaron ao mundo, despois de acadar o mais alto nivel tecnolóxico da súa historia, como poden uns directivos políticos, foráneos, advenedizos e indocumentados, sen ningunha vinculación coa cidade facer tábula rasa e desprezar e mandar ao paro e a indixencia a tanta xente? Están para buscar solucións ou para acabar coa construción naval en Ferrol? Deixemos un lugar para a esperanza, non nos queda outra que loitar polo que é noso e moi querido, ninguén o vai facer por nos. Si un dia fomos capaces de enfrontarmos a un ataque á cidade polos británicos, fai 214 anos, agrupémonos agora para afrontar o que se aveciña, a Armada, o comercio, o Concello, as forzas vivas, todos xuntos, por respecto aos nosos devanceiros e aos nosos fillos e netos, porque nos vai nelo a mesmisima sobrevivencia como cidade. Namentres disfrutemos das festas de remate do verán, que xa é un milagre que se celebren festas nunha cidade tan depauperada como está o noso Ferrol.
“La Armada y el pueblo de Ferrol unidos, serán siempre capaces de conjurar cualquier peligro aún en tiempos de zozobra”. (Do magnífico libro Dos dias de gloria do llmirante Miguel Fernández).