Prazas

|

Nestes días pasados vin unha reportaxe televisiva que daba conta dos “problemas” que está a causar a numerosa presenza de vendedores ambulantes, do top manta –maioritariamente africanos–, por todo o Parque Güel barcelonés, mais principalmente na grande praza oval, rodeada polo célebre banco ondulante, a modo de serpe, decorado con anacos de cerámica e vidro por Josep Maria Jujol. Pois ben, algún visitante entrevistado queixábase de que os vendedores ata se fixeran donos do banco, que polo seu diseño ergonómico é magnífico para tomar un respiro despois da ascensión. Seino ben. A política de represión policial practicada polo goberno municipal nacionalista –18.000 denuncias en menos de seis meses– non acaba de solucionar nada, polo que se teme que poida baixar o número de visitantes a lugar tan emblemático. Cóntanme que a preocupación aumentou cando se tivo noticia do inicio das obras de remodelación da nosa Praza de España, xa que pode ser unha seria competidora en captación turística.

Prazas