Caranza serviu arredor de 200 kilos de chocos da ría

Logo do campionato de pesca do venres, no que entre todas as embarcacións participantes capturáron 85 kilos, a IV Festa do choco da ría de Caranza, promovida pola Asociación Cultural López Bouza e o Club Náutico do barrio, chegou onte á xornada central, coa degustación do rico cefalópodo. A organización dispuxo un total de 200 kilos do produto para a súa preparación, da que se encargou un cociñeiro.
As racións –que se venderon ao prezo de seis euros con pan e bebida incluída– comezaron a servirse a patir das sete da tarde, hora na que se deu o pistolezo de saída á cita gastronómica coa entrega de premios do concurso de pesca –ao maior  pesaxe, número de capturas e á peza de maior puntuación–. O pregón correu a cargo nesta ocasión da diputada socialista ferrolá no Congreso Paloma Rodríguez.
A degustación, celebrada no parque Carmelo Teixeiro, estivo acompañada dunha actuación musical. Desde a organización agradeceron unha vez máis o patrocinio e colaboración de diferentes entidades comerciais da cidade ferrolá fronte á escasa “ou nula” axuda das institucións públicas. n