Diferentes xeracións de ferroláns teñen pasado polas aulas do colexio Compañía de María desde que hai 125 anos o centro comezou a funcionar na cidade naval. A efeméride do seu aniversario marcou boa parte da axenda de actos desenvolvidos polo centro durante o pasado ano, nun programa que atopou unha excelente resposta no tocante á participación. Juan Vidal dirixe na actualidade un centro ao que cada día acoden arredor de 565 estudantes. Valores como a solidariedade e o compromiso seguen formando parte do ideario central do colexio, segundo apunta Vidal.