Os mergulladores desisten de entrar no pecio do pesqueiro pola inestabilidade

GRA314. CABO PE�AS (ASTURIAS), 10/03/2014.- Contin�a la b�squeda por medios a�reos y mar�timos de los desaparecidos en el hundimiento de un barco pequero frente a Cabo Pe�as, cuyo naufragio ha provocado dos muertes y la desaparici�n de otros
|

 O servizo de Salvamento Marítimo desistiu hoxe de que os mergulladores entren no pecio do barco afundido onte fronte ao cabo Peñas ata que permaneza estable, aumente a visibilidade na auga e remita a ondada.

Dous dos catro mergulladores de Salvamento Marítimo desprazados ata o lugar do naufraxio intentaron pouco antes das 13:00 horas acceder ao pecio que se encontra afundido fronte ao cabo Peñas.

Non obstante, non chegaron a facelo pola falta de visibilidade, a presenza de redes e ao estado do mar, que poden converter o pesqueiro afundido nunha trampa.

Os mergulladores baixaron a 30 metros de profundidade, cunha visibilidade moi reducida, e case nula cando se encontraban a catro metros do pesqueiro afundido que se move moito co mar.

Fontes de Salvamento Marítimo informaron de que os mergulladores non volverán facer hoxe novas inmersións para chegar ata o barco, en cuxo interior se cre que poden estar os corpos dos seis tripulantes que permanecen desaparecidos.

Mañá os mergulladores esperan volver ao lugar do naufraxio para analizar a situación e estudar a posibilidade de achegarse ao pesqueiro ou preparar unha operación que permita estabilizalo.

En principio, Salvamento Marítimo prevé agardar varios días antes de que os mergulladores poidan entrar en condicións de seguridade ao barco que, en principio, non se propón reflotar.

Á marxe do traballo dos mergulladores, as embarcacións dese servizo de emerxencia marítima e os helicópteros ampliaron ata as dez millas o raio de busca dos tripulantes desaparecidos.

O buque galego "Concepción Arenal" centra a busca entre cabo Peñas e Candás, e o da Cruz Vermella, cara ao leste, ata a costa de Xixón.

A néboa impediu tamén durante boa parte da mañá que o helicóptero "Helimer" sobrevoase a zona onde tivo lugar o naufraxio ás 05:30 horas de onte, ao chocar contra as formacións rochosas da Erbosa, unha pequena illa a media milla ao norte de cabo Peñas.

Segundo o único supervivente do naufraxio, o segundo patrón do arrastreiro, Manuel Simal Sande, a tripulación encontrábase durmindo cando o barco embarrancou.

Tras o accidente puidéronse recuperar os corpos do patrón da embarcación, o portugués Francisco Gomes Fragateiro, así como de Manuel Indalecio Mayo Brea, natural de Muros (A Coruña).

Seguen desaparecidos os galegos Manuel María Tajes (mecánico) e Lucas José Mayo Abeijón (mariñeiro); o mozo asturiano Marcos del Agua Chacón (alumno en prácticas); o contramestre portugués Víctor José Farinhas Braga, e os indonesios Suherman (mecánico) e Wasito (mariñeiro).

Os mergulladores desisten de entrar no pecio do pesqueiro pola inestabilidade