Fene celebra a cultura do troco e a segunda man coa feira de San Valentín

Por segunda día consecutivo o pavillón de deportes de San Valentín encheuse de xente que non foi a practicar ningún deporte. Se o sábado eran as palilleiras e outros artesáns quen amosaban o seu traballo, onte foi a primeira edición dunha aposta municipal, a Feira de Troco e Segunda Man.
Así, o pavillón acolleu desde a mañá e durante toda a xornada a máis de 60 postos inscritos para a venda de produtos usados nos que os visitantes puideron facerse con todo tipo de obxectos, desde roupa a libros, pasando pola artesanía, discos de vinilo, vaixelas, decoración do fogar ou electrodomésticos.

vendedores dun día
Moitos dos vendedores eran particulares que, tras inscribirse no rexistro municipal, sacaron roupa u obxectos do faiado para ofrecerllo aos posibles clientes a uns precios de saldo e, de paso, desfacerse de material que xa non lles interesaba. Algo habitual na cultura anglosaxona que aquí comeza a copiarse. A maiores, estaba aberto a vello trato do troco, e a xente puido intercambiar libremente as cousas que levou pola súa conta.
Así mesmo continuou celebrándose no barrio a I Exposición de Camelia do Concello de Fene, que desde o sábado tivo ofrecendo as súas flores a catro expositores locais. Tamén do día anterior quedou á vista do público a mostra de traballos en tallado de madeira da AVV de Sillobre. Así mesmo, o pavillón estaba decorado no seu interior cunha exposición do fotógrafo Robus.
Tamén o cita pensou noutro tipo de idades e propostas para facerse atractiva. Desde xeito, houbo xogos infantís, animación que estimulaba a mercar e música ao vivo. Tampouco faltou a típica carpa de alimentación e varios tenderetes ofrecían larpeiradas a pequenos e maiores á beira do paseo marítimo da localidade.
Noutra dinámica, un grupo de artistas de rúa completaron o pintado da parede do pavillón que se iniciou no evento artístico e reivindicativo “Mar e Ferro”, que encheu moitos baixos do barrio fenés de murais pictóricos o pasado mes.
Para aproveitar o tirón dos numerosos visitantes que asistiron á feira, o Concello de Fene tamén habilitou a anexa caseta de turismo onde se repartiron guías, mapas e información sobre as posibilidades.