Comeza o programa da Semana da Poesía Salvaxe cun berro contra a usura

Comeza o programa da Semana da Poesía Salvaxe cun berro contra a usura
karlotti e ferrández, nos terreos da antiga fábrica de lápices j. meis

Recollendo a testemuña do gran poeta norteamericano Ezra Pound, chega a VI edición da Semana da Poesía Salvaxe de Ferrol como un berro contra a usura. “Os poetas contra a usura, que é o cancro do mundo, a servidume do diñeiro. A usura é pecado contra natura”, así comeza a súa declaración de principios que hoxe van ler na xornada inaugural dun programa intenso.
Será na praza de Armas a partir das 18.30 horas e xunto cos dous promotores da cita, os escritores Karlotti e Guillermo Ferrández, estarán Marcos Lorenzo e Víctor M. Díez. A continuación intervirá o novo Comando Ártabro da Palabra Encarnada, colectivo formado por escritores e animadores culturais ferroláns entre os que están Ricardo Ledo, Pablo Portero ou Juana Corsina.

O acto inaugural celébrase na praza de Armas a partir das 18.30 horas


A actividade desta xornada inaugural trasladarase ás 23.30 horas ao pub Cazadores coa intervención dos poetas anteriores aos que se lle engaden Felipe Zapico, Manolo Bacalhau e o novelista Sechu Sende.
A Semana de Poesía Salvaxe, presentada onte por Ferrández e Karlotti no baleiro solar da antiga fábrica de lápices de Ferrol Vello, quere homenaxear a este barrio, “símbolo da cidade”.
Esta nova edición da Semana da Poesía Salvaxe non conta con axudas institucionais, financiándose a través da plataforma Verkami con aportacións procedentes de toda España e de asociacións locais.

Comeza o programa da Semana da Poesía Salvaxe cun berro contra a usura

Te puede interesar