CEIP RECIMIL

Para a directora do CEIP Remil, Viví Suárez, a distinción de Ferrolán do Ano é un orgullo e ademais está “ben merecida”. Sobre todo polo traballo que xa desde moitos anos atrás se está a desenvolver nun colexio que ela mesma define como “aberto a todo tipo de alumnado, inclusivo, normalizado e cun proxecto de convivencia no que cremos firmemente”. Arredor de 340 escolares estudan nel na actualidade. “A diversidade enriquece, suma, ensina...”, salienta, ao mesmo tempo que recoñece estar cansa, ao igual que os outros dous directores, que se lles estigmatice.