Nova Galega de Danza condensa dez anos de traballo no Pazo da Cultura

Imaxe da estrea do espectáculo, o pasado setembro, no teatro Rosalía de Castro javier albores
|

Nova Galega de Danza volve a Narón mañá sábado (ás 20.30 horas) para amosar o seu novo espectáculo, “Dez”, que estrearon en setembro e co que están a xirar por todo o país. Nel recollen 17 pezas que condensan o mellor da súa traxectoria, na que se inclúen os espectáculos “Alento”, “Engado” e “Tradicción”, cos que abriron unha nova vía de traballo para a danza contemporánea, con sólidas bases na tradicional.
Vicente Colomer e o ferrolán Jaime Pablo Díaz están detrás deste prestixioso proxecto, como coreógrafos dun corpo de baile no que hai tamén outras cinco persoas. Outra seña de identidade da formación é a música, que compoñen Xosé Lois Romero e Pedro Lamas e que interpreta unha banda en directo.
A selección das mellores coreografías do seu repertorio ten unha nova lectura, enriquecida nesta década de traballo.

Nova Galega de Danza condensa dez anos de traballo no Pazo da Cultura