“Ferroláns de seu” recolle as mellores entrevistas do dominical Nordesía de Diario de Ferrol

un momento do acto da presentación onte en sargadelos luis polo
|

A Galería Sargadelos acolleu onte a presentación do volume “Ferroláns de seu”, publicado por Edicións Embora e que recolle algunhas das mellores entrevistas aparecidas durante varios anos no suplemento dominical Nordesía de Diario de Ferrol. Unha sala chea asistiu á presentación do volume a cargo dos seus autores, Nicolás Vidal e José Gómez Fandiño, e do director de Edicións Embora, Miguel Toval. Tamén participou o responsable en Ferrol da asociación Lazos-comité antisida, a quen os periodistas cederon os seus dereitos.

Ante o numeroso público asistente os periodistas de Diario de Ferrol comentaron algunhas anécdotas e falaron da xénese do volume e dos persoeiros que nel aparecen, desde Xosé Luis Torrado O Bruxo, ata Paula Vázquez, Carlos Jean, Siro ou Guillermo Llorca, entre as 43 entrevistas escolmadas.

“Ferroláns de seu”, que xa está á venda nas librerías, inclúe as caricaturas feitas orixinalmente polo debuxante Juan Veiga e se acompaña dun prólogo do director de Diario de Ferrol, Carlos Miragaya.

 

“Ferroláns de seu” recolle as mellores entrevistas do dominical Nordesía de Diario de Ferrol