Coa participación do Concello, a Facultade de Humanidades da Universidade da Coruña, celébranse as XIII Xornadas Literarias de Neda os días 22, 23 e 24 de abril no campus ferrolán e na Casa das Palmeiras da vila nedense. As persoas interesadas en participar no evento poden inscribirse gratuitamente na Casa da Cultura de Neda, a través do correo electrónico cultura@neda.dicoruna.es, ou ben desde o número de teléfono 981 390 233.

Especialistas

A cita abrirase no campus de Esteiro o día 22 a partir das 20.00 horas coas intervencións do alcalde nedense Ignacio Cabezón e o decano da facultade de Humanidades, Manuel Recuero. A partirb de aí haberá dúas xornadas en Neda de conferencias sobre a literatura e o cinema de terror con especialistas como a profesora Teresa López-Pellisa, da Universidade Autónoma, o programador do CGAI José Manuel López Sande; o editor David Cortizo, do selo de terror Urco, ou o profesor David Clark. Todos eles falarán acerca de Drácula, Frankenstein ou modernos terrores biotecnolóxicos.