FURELOS

Reencontro con  sons que se mesturan coa fervenza que agacha a vella pedra de muíño na tosta, na vella e agarimosa presa daqueles anos que fican xa na memoria. Furelos… verderolo que se agacha entre as ramallas dos ameneiros que asoman primavera.Abidueirasatrapadas na invernía que se prolonga neste xaneiro que demos en chamar abril. Furelos... martíñopexeiro que se mergulla no pozo de Liduvina, merlo rieiro que brinca entre pedra e pedra nos rápidos que foxen quen sabe de que. Lavandeira que chimpa na ribeira. Cuco que anuncia a primavera neste abril que teima en ser xaneiro. Furelos... esquío que enreda na espida carballeira. Presa de As Mazairas. Camiño de estrelas reflectido no Pozo do freixo. Furelos... brazos que te deitan no teu leito para te camiñar. Veráns de alalás deitados ao vento . Sabores. Olores. Furelos. Melide. Furelos... O solpor aloumíñame as costas. Furelos.