Foz

Hai uns días a Fundación Celso Emilio Ferreiro nomeou patrón ao profesor Luís González “Foz”. E aboian retallos da nosa historia. O “Foz” e Celso Emilio, alén de amizade, participaron na fundación da UPG da que logo un foi expulso e outro abandonou. O “Foz” participou na organización da homenaxe á Celso Emilio en Ourense antes de se marchar para Venezuela (1966). E logo coñeceu o exilio no París acubillo de antifascistas. E o sábado, no Foz natal de Luís González, homenaxeouse a X. Carlos Basanta que dedicou a súa vida, parte dela en Ferrol, á procura do ben estar dos seus compatriotas e da liberdade para á Galiza que tanto amou. Eís teñen feitos merecedores de ser contados nesta conversa que mantemos desde hai uns anos. Velaí este retrato do noso país. Dese que nos acompaña sen nos esixir nada. Dese país que, no entanto, leva séculos dándonolo todo. Anoitece. Brincadeira de vagalumes.
 

Foz

Te puede interesar