Teatro, puro teatro

Co paso do tempo parece claro que as chamadas para incorporar ao BNG ao goberno da Cidade non teñen máis obxecto que silenciar á única forza política que discrepa das decisións que adoptan o Sr. Suárez e a Sra. Sestayo, ocultar que esas diferenzas se resolven mediante decretazo de Alcaldía e distraer sobre a coincidencia de criterios entre goberno e PP. Dar continuidade á xestión privada do PP para o aparcadoiro municipal da praza de Armas, manter as subvencións a actos relixiosos sen establecer criterios obxectivos para concorrer a elas como fixo o PP e pagar obras en edificios do cuartel Sánchez Aguilera como as que pagou o PP na explanada dese espazo amosan que o lóxico sería que se conformase un goberno de concentración incorporando ao PP. Mais así sería moi evidente que o conflito entre a esquerda e dereita na Cidade é teatro, puro teatro do que participan todas as organizacións estatais e que as súas diferenzas son principalmente cosméticas.