Entelequia

O noso dicionario define “entelequia” como un produto do maxín que non existe nin pode realizarse. Coido que esa definición acáelle ben ao intento de rematar co bipartidismo pois, ben pensado, o bipartidismo ou a bipolarización, está presente en todos os aspectos da vida. Por exemplo: na economía, temos o Norte e o Sur; no militar, o Este e o Oeste; na política, a esquerda e a dereita; na electricidade, o negativo e o positivo; e así, o amor e o odio, as penas e as alegrías o día e a noite, o branco e o negro. Semella que todo na vida está destinado a dividirse en dúas partes. Certo que parecen existir estados intermedios, mais resulta que son situacións pasaxeiras e que, cedo ou tarde, todo volve  ao seu estado natural, como sucede co centro político, que aos poucos, volven a ser esquerda ou dereita, disfrazados co engadido do “centrismo”. Incluso agora, nas matemáticas modernas, todo se reduce ao Un ou o Cero . E non hai termos medios. Será ese o camiño? Quen sabe!!

Entelequia

Te puede interesar