Premiado un artigo científico do grupo de investigación de Técnica Cibernética do Campus

Premiado un artigo científico do grupo de investigación de Técnica Cibernética do Campus
Calvo Rolle, á esquerda, xunto a Esteban Jove Pérez

Os investigadores do Grupo de Ciencia e Técnica Cibernética (CTC) da Universidade da Coruña, Esteban Jove Pérez, José Luis Casteleiro Roca, Héctor Quintián Pardo, Juan Albino Méndez Pérez e José Luis Calvo Rolle foron galardonados co premio ao mellor artigo científico “Data Fusion” na International Conference DCAI, que tivo lugar do 26 ao 28 de xuño en Ávila. A comunicación foi seleccionada, segundo se informou desde a institución académica herculina, entre máis de 400 textos, polos Comités de Programas dos Congresos Internacionais Paams, DCAI, ISAml, Pacbb, Mis4Tel, Blockchain e Decom.

No artigo, os investigadores presentan un método de detección de erros e anomalías aplicable a calquera tipo de sistema, se ben está especialmente indicado para os que teñen un comportamento moi complexo.


Este mellora aos xa existentes, no que ten que ver coa porcentaxe de acertos na detección, reduce significativamente o tempo de execución. A comprobación fíxose botando man dun sistema de control automático.
O grupo de investigación, adscrito ao Centro de Investigacións Tecnolóxicas do Campus de Ferrol, está coordinado polo profesor José Luis Calvo Rolle. Aspectos relacionados coa intelixencia artificial, sistemas automatizados de produción, equipos eléctricos de control, instrumentos electrónicos, tecnoloxía da automatización e enxeñaría de control son algunhas das liñas principais de investigación do grupo.
Calvo Rolle é ademais o coordinador do Mestrado Universitario Internacional en Eficiencia e Aproveitamento Enerxético que se imparte na Escola Universitaria Politécnica de Serantes.

Premiado un artigo científico do grupo de investigación de Técnica Cibernética do Campus

Te puede interesar