9º-17º
miércoles | 24 abril | 2024
O anunciado obradoiro de teatro que a Concellería de Cultura de Ferrol agarda que sexa o xérmolo da Escola de Teatro municipal, comeza as actividades este mes. O Boletín Oficial da Provincia (BOP) publicaba onte os prezos definitivos das actividades culturais para o presente ano 2015. O máis salientable e que xa aparecen as tarifas deste inicial obradoiro de teatro. Así, para alumnos de 18 a 61 anos, un curso completo de catro horas semanais ten un prezo de 41,67 euros; 33,34 euros o de 61 anos en adiante e o de 13 a 17 anos, por exemplo, ámbolos dous de dúas horas semanais. Os grupos de maiores de idade, cun fin ou motivación específico, serán 27,78 euros un par de horas por semana. Finalmente, para os de 3 a 13 anos, o prezo do curso completo, unha hora semanal, será de 29,17 euros.
Tamén se publicacron as tarifas dos cursos de gravado ou cerámica (20 euros nos dous casos), e os de diferentes cursos monográficos, desde os 40 euros de menos de 40 horas, ata os140 de 90 ou máis horas.
O concelleiro de Cultura, Reyes García, informou onte de que estes prezos rexirán para o segundo trimestre do ano, xa que comezarán a finais deste mes “e durará ata mediados de xuño, que é a data na que eu podo programar con independencia dos resultados electorais das eleccións de maio. Aínda así, se continuamos os prezos por todo un curso non variarán demasiado, xa que o noso obxectivo é o de ter os prezos máis económicos”.
Segundo adiantou Reyes García, este luns 9 abriríase o prazo de inscricpción para os cursos e para o obradoiro de teatro. Un prazo dun par de semanas, tralo cal anunciaríanse as persoas escollidas por rigurosa orde de inscrición. Así que segundo o edil as actividades, no caso do teatro, comezarían xa a finais deste mes de marzo e durarían ata mediados de xuño.
