• Martes, 25 de Septiembre de 2018

Mercado Medieval, circo, teatro e Noites no Mosteiro na apretada axenda de Narón

Varias alternativas de lecer se presentan este sábado no municipio de Narón. Desde as 11.00 horas abrirán as súas portas o centenar de postos que desde onte dan forma no Parque Río Freixeiro ao Mercado Medieval.

Mercado Medieval, circo, teatro e Noites no Mosteiro na apretada axenda de Narón
O Mercado Medieval, inaugurado onte, prolongarase ata mañá | daniel alexandre
O Mercado Medieval, inaugurado onte, prolongarase ata mañá | daniel alexandre

Varias alternativas de lecer se presentan este sábado no municipio de Narón. Desde as 11.00 horas abrirán as súas portas o centenar de postos que desde onte dan forma no Parque Río Freixeiro ao Mercado Medieval.
Pasarrúas, espectáculos de acrobacias ou teatrais, e outras variadas propostas animarán a zona durante todo o día. Pola tarde abrirá a partir das 18.00 horas.
Por outra banda, a partir das 12.00 horas na Praza da Constitución, na Solaina, a compañía Pistacatro protagonizará dous espectáculos de circo, totalmente gratuítos, que servirán para pechar o ciclo iniciado o pasado día 1 na Praza da Gándara.
Tamén hoxe, a partir das 20.30 horas, darán comezo as primeiras das actividades programadas no marco da Festa Gastronómica do Pemento do Couto, que vivirá mañá a súa xornada central coa degustación das racións.
Demostración culinaria
Como preludio á mesma, o local social da devandita parroquia naronesa será esta tarde, ás 20.30 horas, escenario dun “showcooking” (demostración culinaria) a cargo de Beatriz Sotelo.  Ás 23.00 horas procederase á iluminación do exterior do mosteiro do Couto e, entre esa hora e as 00.30, celebraranse no interior do mesmo dous concertos de música de Cámara con aforo limitado pero para o que non é preciso inscribirse de forma previa.
O teatro estará tamén presente na axenda cultural coa representación da obra escénica “Casting para Melchor” a cargo do Grupo de Teatro Xuvenil da Pombiña e da que é autor Pepablo Patinho. Será a partir das 21.00 horas no local social da Pombiña.