11º-18º
viernes | 19 abril | 2024
O programa do Festival Atlántica de Narración Oral dará comezo hoxe coas dúas funcións ofrecidas pola contadora de historias Sandra Araguas, natural de Huesca.
A primeira, dirixida ao público infantil, será ás 18.00 horas na Biblioteca Municipal. Alí achegará aos nenos e nenas o seus “contos sorprendentes”, cargados de humor para rir e pasar entretidos un rato. A continuación, ás 20.30 horas, trasladarase ao centro cultural Torrente Ballester para poñer en escena a segunda proposta, dirixida neste caso ao público adulto e que leva por título “Contos tradicionais dos Pirineos”.
A asistencia a ámbolos dous espectáculos é totalmente gratuíta e as persoas interesadas poderán retirar as entradas no despacho de billetes do Jofre para a actuación do Torrente e na propia biblioteca para o que se celebrará nas súas intalacións. l
