O concello mercou a súa casa natal pero segue en ruínas

O Concello de Ferrol comprou a casa natal de Ricardo Carvalho Calero, na rúa San Francisco, xunto con dous inmobles adxacentes, en 2011. Na actualidade este espazo, que se pensou como un centro cultural ou un edificio de usos múltiples, segue en estado de ruína, precisando de cando en vez investimentos para evitar situacións de perigo. Carvalho, como lembraban as tres persoas que impulsan a comisión, presumiu sempre de ser de Ferrol Vello.