O Campus Industrial de Ferrol celebra mañá un “workshop” sobre xestión de marca 360

O Campus Industrial de Ferrol celebra mañá un “workshop” sobre xestión de marca 360
A actividade terá lugar na Facultade de Humanidades, sede do grao de Moda | e.c.

Moitos son os profesionais que cada semana pasan polas aulas do Campus Industrial de Ferrol para achegar os seus coñecementos aos estudantes dos diferentes graos e compartir así con eles sesións prácticas que lles permitan achegarse á realidade do seus respectivos sectores.
 

Desta volta, o alumnado de segundo curso do Grao en Xestión Industrial da Moda será mañá mércores o destinatario do “workshop” impartido polo director de marca na empresa alicantina de fíos sostibles Belda Lloréns, Fabricio Mancebo. A actividade está prevista para as 17.00 horas na Aula de Creación e Patronaxe da Facultade de Humanidades e Documentación.
 

A continuación, ás 19.00 horas, xa na Biblioteca do Patín e nun acto aberto a toda a comunidade universitaria, o convidado presentará o seu último libro, “The revolution of brands. Una historia personal sobre marcas, tecnología y personas”, da Editorial Círculo Rojo. 
 

Fabricio Mancebo é licenciado en Publicidade e Relacións Públicas pola Universidade Complutense de Madrid (UCM). Ao longo da súa carreira obtivo 14 premios en creatividade e desenvolvemento de proxectos innovadores e, en 2002, realizou os primeiros estudos que se coñecen sobre o desenvolvemento creativo en persoas con discapacidade funcional. Ten traballado con marcas como Bentley, El Pozo, Warner, Levi´s, Ribera Salud, Obra Social La Caixa, Morgan Stanley, Energy Sistem, Shiro Helmets, Maison Parfum, Caja Rural ou Grupo Vips. Actualmente é o director de marca na empresa alicantina de fíos sostibles Belda Lloréns, impulsando a marca Ecolife a nivel mundial.

O Campus Industrial de Ferrol celebra mañá un “workshop” sobre xestión de marca 360

Te puede interesar