10º-14º
jueves | 25 abril | 2024
Ferrol xa está inmensa na VI Semana da Poesía Salvaxe. A praza de Armas acolleu onte un cálido e concorrido acto que abre catro días de recitais, música e literatura con escritores e artistas procedentes de toda España.
A denuncia da usura, centro do encontro que enche ata o sábado a cidade de actos
Na súa presentación o profesor Guillermo Ferrández fixo referencia á falta de apoios institucionais desta cita –galardoada o pasado ano co Premio de Cultura de Diario de Ferrol– que se leva adiante “grazas ao apoio de xente de toda España a través da plataforma Verkami; dos poetas, de asociacións veciñais como as de Esteiro, Canido e Ferrol Vello, e do hotel Suizo”. A continuación Ferrández, Karlotti, Felipe Zapico e Víctor M. Díez levaron a cabo unha intervención na que, lendo poemas propios, e textos de Bretch, Blas de Otero ou Ezra Pound fixeron un encendido ataque conta a usura, os banqueiros, os políticos e a Igrexa. Continuou o Comando Ártabro da Palabra Encarnada e a xornada rematou no pub Cazadores.
Hoxe o mercado da Magdalena acolle a partir das 12.30 horas a intervención poética de María Lado e Lucía Aldao, Felipe Zapico e Sechu Sende, entre outros. Ás 18.30 horas Alba González recitará na Biblioteca Central, haberá unha lectura ás 19.30 horas en Esteiro e Ferrol Vello, e un concerto final na Sala Súper 8 ás 23.30 horas con The Big Lebowsky, así como unha performance poética.
