Comarcas Viernes 3 de Octubre de 2008

Aberto o prazo de solicitude para entrar no programa de compostaxe Na foto, un momento da primeira reunión informativa, o mércores na Liga de Amigos de Barallobre REDACCIÓN > FERROL O Concello de Fene, a través do departamento de Servizos e Mantemento, dirixido pola nacionalista Inés Roca, abriu onte o prazo para participar no programa de compostaxe caseira. Na convocatoria prevense repartir un total de 30 composteiros cedidos polo Consistorio e as solicitudes poden presentarse no Rexistro municipal ata o vindeiro 10 de outubro, de 9.30 a 13.30 horas. En función das solicitudes presentadas, a Concellería de Servizos de Fene estudará a posibilidade de ampliar o programa ou a participación nun novo o vindeiro ano, polo que se solicita aos veciños do municipio que presenten as súas solicitudes aínda que o número de peticións supere os composteiros dispoñibles. No que respecta ao tema de compostaxe caseira, dende o Consistorio lembran que o pasado martes se celebrou unha charla informativa á que asistiron un cento de persoas. A xornada impartirona a edil Inés Roca e a técnico de Adega Desiree González, que explicaron as vantaxas tanto medioambientais como de aforro económico deste tipo de iniciativas e o funcionamento dun composteiro caseiro. Dende o Concello de Fene indicouse que as persoas que participen no proxecto recibirán os primeiros meses asesoramento técnico por parte de responsables de Adega. Portada | Opinión | Ferrol | Narón | Comarcas | Galicia | Deportes | España | Mundo | Sucesos | Economía | Sociedad | Comunicación | Última Página | El tiempo | Titulares | Servicios | Agenda | Exposiciones | Cartelera | Correo |