Catalunya: decidir

A “advertencia” da ministra de defensa aos líderes políticos catalás de que “ el independentismo morirá en el rompeolas de la ley”  supón unha subida gravísima de ton. Asemade reflicte un enrocamento en posicións que van en dirección contraria a como se solucionan os problemas políticos en democracia. E o que a maioría parlamentar e o goberno que sustenta quere materializar é un acto radicalmente democrático: pór nas mans dos cidadáns cataláns a decisión. E decidir é sinónimo de democracia. Decidiren todos os cataláns. Os independentistas e os que non o son. Votar. Como en Quebec. Como en Escocia. Como nas Repúblicas bálticas. Como en Checoslovaquia... Votar. Decidir. O “ rompeolas de la ley”  do que fala a ministra de defensa pode adiar, máis unha vez, que o exercicio dese dereito sexa unha realidade. Porén, non vai ser quen de impedir que se exerza máis cedo que tarde.