XUNTOS

Escribín en varias ocasións sobre o tema pero o certo é que se trata da realidade que debe marcar os pasos da esquerda. Todos os que levamos na mochila ter certo protagonismo en procesos de converxencia sabemos do desgaste persoal que iso implica. Pero o certo é que as inseguridades do percorrido sempre se viron recompensadas co sucedido nas urnas. Non hai outro camiño, a realidade ensínanos que se trata dunha demanda xeneralizada da sociedade. É certo que aqueles que estamos chamados a ser interlocutores temos unha visión moi nesgada de cual debe de ser o noso papel. Uns sentímonos fortes ou cremos que representamos a esencia duns ideais. Pero a verdade que necesitamos de toda organización ou persoa que queira sumar. Esta formulación matemática asóciase á loita para conseguir unha vitoria electoral pero máis importante é contar posteriormente coa enerxía para gobernar dentro dun sistema tan estraño ás nosas premisas.