Ferrol, colonia ou champú?

Hai 29 anos alguén quixo ridiculizar ao nacionalismo cun artigo encabezado por esta pregunta referíndose ao noso país.
Tres décadas despois Ferrol continúa cun tren que tarda hora e cuarto en percorrer os 70 km que nos separan de A Coruña mentres preparan 100M de euros para levar a un porto exterior estepario un tren que condena a enseada de A Malata á morte.
Tamén nos prometen 400M de euros para renovar Navantia nun remake da fábrica de vidro que suporá novos recheos en Caranza e xustificará a redución de persoal transformando o estaleiro nun taller de reparacións e subministro da Armada.
Reganosa recibirá millóns de euros a pesar de ser ilegal e estar impedida para o subministro industrial coa escusa do gas licuado.
Millóns de euros sen reversión na Cidade e ao servizo de intereses de empresas privadas e cos nosos dirixentes participando da orxía propagandística destes gastos millonarios con fins espurios e graves consecuencias medioambientais. Por iso non sei se somos unha colonia pero a algúns xa nos pican os ollos con tanto champú. 
 

Ferrol, colonia ou champú?

Te puede interesar