I’m Spartacus!

ben certo que os políticos actuais non teñen moito fundamento ideolóxico nin respaldo cultural. Moitos naceron xa con anos cando o anuncio aquel do Goberno animando aos rapaces a tomar precaucións nas relacións sexuais. Recoredemos aquel profesor que entraba nunha clase de ximnasia preguntando de quen era un preservativo e todos se levantaron reclamando a súa propiedade, tal como o I’m Spartacus! da celebérrima película de Stanley Kubrick. Agora calquera declara a independencia e marcha para a aburrida Bruxelas, que perdeu a súa vida desde que marcharon de alí os Tercios, deixando aos seus acólitos no cárcere ou berrando polas rúas. Hai que ter valor para asumir as consecuencias de non acatar a lei, que está para cumprila ou derrogala. Polo menos Junqueras non abandonou a súa patria, mentres Puigdemont fixo unha escapada aos antigos territorios da coroa de Castela, onde os reis españois tamén deixaron un conflito sen resolver, como por onde mandaron.