Espírito

Por que España segue sendo o terceiro país de Europa con maiores tasas de pobreza infantil?
Como pode ser que non se chegue a un gran pacto de estado pola educación, que condena o futuro da infancia aos vaivéns políticos?
Como pode ser que a vida dos nenos con discapacidades dependa do factor sorte: sorte de ter un bon pediatra, profesor?
Os representantes dos consellos de participación infantil e xuvenil voltaron o 24/01/18 ao congreso dos deputados.Tocaba avaliar logros e retos pendentes. Solicitaron ademáis coñecer os avances da lei integral de violencia contra a infancia e reclamaron a dotación de estructuras máis estables para a súa participación a través da creación dun consello estatal.
Con moita responsabilidade, diálogo, espírito crítico, solidario e reivindicativo, os menores,ademáis de poñer encarnados a moitos deputados, demostraron as súas ansias e forzas para construir futuro.