SENSIBILIDADE

É incrible o entusiasmo que poñen algúns medios informativos para lle buscar tres pés a un gato cando se trata de desprestixiar a un rival. Eis os casos deses concelleiro e concelleira madrileños dos que case están a pedir as súas cabezas por un par de chistes malos ou por unha protesta nunha capela. Home, eu coido que, se cadra, como moito poderían merecer uns tiróns de orellas pola mala calidade dos chistes do primeiro, ou pola falta de sensibilidade da segunda, mais non parecen actuacións tan graves como para non considerar nin respectar as propias sensibilidades dos que protestan. E máis tendo en conta a cantidade de corruptos que están a campar polos seus respectos, sen que ninguén se alporice porque aínda non estean na cadea. Iso, tratándose dun país no que algúns presidentes e ministros “menten máis que falan” e no que se incumpren sistematicamente acordos institucionais e fallos xudiciais, máis parece unha perrencha que outra cousa. Non é?