Desanimados

Seica algúns veciños das Casas Baratas de Recimil están moi desanimados, pois aí nada se move. Malia a indiscutible fortaleza dos edificios e as persoas, que ao longo de setenta anos aturaron temporais e terremotos e resistiron o perigo de escavadoras e piquetas, agora teñen medo de que a nova ameaza representada pola “marea”, consiga afundir, senón ás vivendas, a lo menos si aos veciños. Trátase dos inquilinos con pensións das mais cativas, cuxa pouco boiante economía sufriu un quebranto polo aumento dos prezos do aluguer A iso hai que engadir a decepción dos que, durante moitos anos están a loitar polo acceso á propiedade dos seus pisos. Uns e outros comentan que, a situación non é nada favorable para os seus intereses e, xa que logo, o seu temor é, que poida subir a “marea” e remate por afogalos a todos. E aquí non vale iso de nadar e gardar a roupa, xa que esta marea é a menos común das mareas. E por iso, non se pode descartar ese perigo. Segundo o vexo eu, claro.