Opinión Lunes 17 de Noviembre de 2008

ADEUS E BENVIDO

JOSÉ BERGANTIÑOS Adeus Bush, vaite xa e leva canda ti ós teus comparsas, eses que contigo desgobernaron tanto durante oito longos anos. Retírate ó teu rancho de Texas ou onde o diaño te leve e non tentes máis de amañar un mundo que ben se arranxa sen ti. Descansa en paz si cho permite a túa conciencia, telo ben merecido despois de tanto estragar xenialidade. Mágoa que non podas levar contigo os teus socios doutro tempo. O mundo xa te nomea como o peor presidente da historia do teu país. Non podía ser doutro xeito, ó fin e ó cabo a Casa Branca foiche regalada, non tiñas outro mérito que ser fillo de quen es. Bye- bye George, que Deus te vexa ir. Benvido Obama, noraboa. Árdua tarefa a que tes por diante, dúas guerras, o planeta en perigo e a crise global. O mundo enteiro ten depositada en ti as súas esperanzas. Non o tes doado, non o tiveches nunca, chegas a presidencia do país máis poderoso da terra despois dun longo recorrido que encomenzou hai douscentos anos. A ti ninguén che regalou nada. Os tempos que vivimos precisan dun cambio e ti es o escollido pola historia para levalo a cabo. Terás moitos atrancos, non será un camiño de rosas precisamente pero gañarás e convencerás, porque tes a xuventude, a intelixencia, as convicciós e penso que a bonhomía precisas para elo. Pra rematares un consello, non esquezas que aínda hoxendía tres de cada dez estadounidenses recoñecen ter prexuízos raciais e gárdate deles. Adiante e boa sorte. Welcome Barak, que Deus te axude.

Portada | Opinión | Ferrol | Narón | Comarcas | Galicia | Deportes | España | Mundo | Economía | Sociedad | Comunicación | Última Página | El tiempo | Titulares | Servicios | Agenda | Exposiciones | Cartelera | Correo |